1.1 Энэхүү журмаар онлайн захиалга зуучлалын Suvd online аппликэйшнээр дамжуулж Өмнөд Солонгосоос бүх төрлийн бараа бүтээгдэхүүнийг онлайнаар захиалах, төлбөрийн боломжуудыг олгох, тээвэрлэх, хүлээн авах, хүргэх, худалдан авах захиалгат худалдаа, зуучлалын үйлчилгээтэй холбоотой бүх төрлийн харилцаа, нөхцөл байдлыг зохицуулахад оршино.
1.2 Suvd online аппликэйшн нь Өмнөд Солонгос улсад үйлчилгээ үзүүлж байгаа дэлгүүрүүд болон үйлдвэрлэгч, бэлтгэн нийлүүлэгчидтэй холбох, үйлчлүүлэгчийн сонгон захиалсан бараа бүтээгдэхүүнийг худалдан авах, шалган бүртгэх, тээвэрлэн гардуулах үйлчилгээг үзүүлнэ.
1.3 Suvd online аппликэйшнийг татаж аваад нэвтрэх бөгөөд бидний үйлчилгээтэй танилцан, үйлчилгээ авах бүрт энэхүү үйлчилгээний нөхцөлийг хүлээн зөвшөөрсний үндсэн дээр захиалга хийх эрх нээгдэнэ.
1.4 Suvd online aппликэйшн нь энэхүү журамд өөрчлөлт оруулах бүрэн эрхтэй бөгөөд үйлчлүүлэгч шинээр захиалга хийхээсээ өмнө захиалгын журамтай тогтмол бүрэн танилцаж байх шаардлагатай.
1.5 Үйлчлүүлэгч нь Suvd online аппликэйш – д нэвтэрч, бүртгүүлэх, захиалга өгөх бүртээ Үйлчилгээний нөхцөл, Нууцлалын бодлоготой бүрэн танилцаж, заасан нөхцөлүүдийг хүлээн зөвшөөрсөн тохиолдолд “Би хүлээн зөвшөөрч байна.” гэсэн товчийг идэвхжүүлснээр захиалга өгөх эрх нээгдэх тул үйлчилгээний нөхцөлтэй сайтар танилцаагүйн улмаас үүсэх эрсдлийг Suvd online аппликэйшн хариуцахгүй.
1.6 Suvd online аппликэйшн нь мэдээллийн нууцлалыг нэн тэргүүнд тавьж, халдашгүй байдлыг бүрэн хангаж ажиллана. Үйлчлүүлэгчийн хувийн мэдээллийг цуглуулах, ашиглах, нээлттэй болгох талаар Нууцлалын бодлого баримтаас уншиж танилцах боломжтой.
1.7 Үйлчлүүлэгч Үйлчилгээний нөхцөл, Нууцлалын бодлогыг хүлээн зөвшөөрөхөөс татгалзах эрхтэй бөгөөд татгалзсан тохиолдолд Suvd online – г ашиглан захиалга өгөх боломжгүй. Үйлчлүүлэгч Suvd online аппликэйшн – д нэвтэрч, ашиглаж эхэлснээр энэхүү Нууцлалын бодлого, Үйлчилгээний нөхцөлийг тус тус дагаж мөрдөхийг хүлээн зөвшөөрсөн гэж үзнэ.
1.8 Үйлчилгээний нөхцөлийн хэрэгжилтэд Suvd online аппликэйшн болон Үйлчлүүлэгч нар хамтран хяналт тавина.
2.1 Үйлчлүүлэгчээр бүртгүүлэхдээ Suvd online апп – ийн Нэвтрэх хэсгийг сонгон “Нэвтрэх” болон “Бүртгүүлэх” гэсэн сонголтын аль нэгийг сонгож өөрийн цахим шуудангийн хаяг эсвэл утасны дугаарыг илгээнэ. Suvd online апп – аас Үйлчлүүлэгчийн гар утасны дугаарт нэвтрэх нэг удаагийн нууц код илгээнэ. Үйлчүүлэгч нь тухайн кодоор нэвтрэх бөгөөд өөрийн хувийн мэдээллийн аюулгүй байдлыг хангах үүрэгтэй.
2.2 Suvd online апп – д Үйлчлүүлэгчээр бүртгүүлснээр бараа бүтээгдэхүүн, үйлчилгээ захиалах, хүслийн жагсаалт үүсгэх, өөрийн захиалгыг хянах эрх үүснэ.
2.3 Үйлчлүүлэгч Suvd online апп – д байршуулсан зааврын дагуу онлайн дэлгүүрт захиалга авч буй бараа бүтээгдэхүүнээс сонгон худалдан авалтын захиалгыг хийнэ.
2.4 Үйлчлүүлэгч нь Suvd online апп – д нэвтрэх онлайн кодыг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас өөрт болон бусдад учирсан аливаа хохирлыг Үйлчлүүлэгч өөрөө бүрэн хариуцна.
2.5 Үйлчлүүлэгч Suvd online апп – ийн талаар санал гомдол, шинэ санаа, шинэ бараа борлуулах хүсэлт, шүүмж зэргийг чөлөөтэй илэрхийлэх, илгээх эрхтэй бөгөөд Suvd online аппликэйшн дээрх онлайн туслах, https://www.facebook.com/Suvdonlinedarkhan фэйсбүүк хуудаст хандан зурвас илгээх боломжтой.
2.6 Үйлчлүүлэгч нь өөрийн хувийн мэдээллийн үнэн зөв, бодит байдалд бүрэн хариуцлага хүлээнэ.
2.7 Хэрэв 2.6 – д зааснаас үүдэн үйлчлүүлэгчийн захиалга хугацаандаа ирэхгүй байх эрсдэл үүсэх тохиолдолд үйлчлүүлэгч шаардлагатай бичиг баримтуудыг бүрдүүлж өгөх үүрэгтэй.
2.8 Suvd online аппликэйшн – ийн хэвийн үйл ажиллагаа, түүний мэдээллийн аюулгүй байдал, мэдээллийн нууцлалыг “Альфа Лабс ХХК” хариуцна.
2.9 “Альфа Лабс ХХК” нь үйлчлүүлэгчийн хувийн мэдээллийг гуравдагч байгууллагад хэрэглэгчийн зөвшөөрөлгүйгээр захиалгатай холбоотойгоос бусад зорилгоор дамжуулан ашиглахгүй.
3.1 Suvd online аппликэйшн нь Өмнөд Солонгосоос үйл ажиллагаа эрхэлдэг дэлгүүрүүд болон албан ёсны нийлүүлэгчдээс үйлчлүүлэгчийн сонгон захиалсан бараа бүтээгдэхүүнийг худалдан авч, тээвэрлэн үйлчилдэг.
3.2 Захиалгын үйлчилгээ Suvd online аппликэйшн нь онлайн худалдааны системээр хийгдэх бөгөөд үйлчлүүлэгч захиалга өгснөөс эхлэн худалдан авалт, тээвэрлэлт, төлбөр төлөлт, барааг хүлээлгэн өгөх хүртэлх бүх үйл явц энэ системээр удирдагдана.
3.3 Захиалгын нийт дүнг үйлчлүүлэгч зөвшөөрсний үндсэн дээр төлбөрөө төлөх бөгөөд төлөгдснөөс хойш 24 цагийн дотор барааны захиалга олон улсын системд хийгдэнэ.
3.4 Үйлчлүүлэгч захиалга өгөх үед Suvd online аппликэйшнээс шаардсан нэмэлт мэдээллийг манайд өгөх үүрэгтэй ба хэрэглэгч өөрийн мэдээллийн үнэн зөв, бодит байдалд бүрэн хариуцлага хүлээнэ.
3.5 Үйлчлүүлэгч Suvd online аппликэйшн – д байршуулсан барааны захиалах үнийг 100 хувь төлснөөр төлбөр баталгаажиж худалдан авалтыг захиалгын журмын 2.3 – т заасан хугацаанд хийнэ.
3.6 Үйлчлүүлэгчийн хийсэн захиалга бүр дахин давтагдашгүй захиалгын дугаартай байх бөгөөд “Миний Бүртгэл” хэсгээс захиалгын тухай дэлгэрэнгүй мэдээллийг харах боломжтой.
3.7 Үйлчлүүлэгч хувийн мэдээлэл буруу өгсөнөөс үүдэн захиалгын үйл явц саатах, гааль татварын шалгалтанд орох тохиолдолд үүсэх эрсдэлийг үйлчлүүлэгч өөрөө хариуцна.
3.8 Үйлчлүүлэгчийн хийсэн захиалгын төлбөр нь Suvd online аппликэйшн – ийн дансанд тодорхой заавар, хэлбэрийн дагуу төлөгдсөн үеэс эхлэн захиалга албан ёсоор баталгаажсан гэж үзнэ.
3.9 Захиалгын төлөв шинэчлэгдэх тохиолдол буюу захиалга үүсэхээс эхлэн төлбөр баталгаажиж хэрэглэгчийн гарт хүргэгдэх хүртэл захиалгын мэдээллүүдийг үйлчлүүлэгчийн бүртгүүлсэн гар утасны дугаарт Suvd online аппликэйшн – ээс мэдэгдэл мессэжээр илгээнэ.
3.10 Үйчлүүлэгч нь худалдан авалтын захиалгын талаар ажлын өдрүүдэд 09:00-20:00 цагийн хооронд амралтын өдрүүдэд 10:00-18-00 цагийн хооронд утсаар холбогдож мэдээлэл авах, тодруулах боломжоор хангагдана. Бүх нийтийн амралтын өдөр болон байгууллагын дотоод үйл ажиллагаанаас шалтгаалан тухай бүрт ажиллах цагийн хуваарийг hkmall.mn сошиал хаягаар мэдэгдэл гарна.
3.11 Үйлчлүүлэгч нь захиалгын түүх, захиалгын төлөв хянах, бараа бүтээгдэхүүний мэдээлэл авах, төлбөрийн хэрэгслийн заавар авах тохиолдолд Suvd online аппликэйшн болон сошиал хуудаснаас авах боломжтой.
3.12 Үйлчлүүлэгч захиалсан бараагаа хүлээн авахдаа бүтээгдэхүүний хайрцаг эсвэл боодол дээрх барааны нэр, өнгө, багтаамж, төрөл, үзүүлэлт гэх мэт захиалсан барааны мэдээллүүдийг тулгаж, шалгаж хүлээж авах үүрэгтэй. Хэрэв үйлчлүүлэгчийн захиалснаас зөрүүтэй буюу өөр өнгө, хэмжээ, үзүүлэлттэй бараа ирсэн тохиолдолд үйлчлүүлэгч барааны лацыг задлахгүйгээр ажлын 8 цагийн дотор Suvd online – тaй яаралтай холбогдож буцаах эсвэл солих хүсэлт гаргана. Харин үйлчүүлэгч өнгө үзүүлэлт хэмжээ зөрүүтэй ирсэн барааны лацыг задалсан тохиолдолд барааг буцаах, солих боломжгүйг анхаарна буй за.
4.1 Барааны үнийг Suvd online апп – ийн захиалгын систем автоматаар тооцоолон үзүүлнэ.
4.2 Suvd online апп – ийн барааны бүх үнэ, бусад төлбөр тооцоо төгрөгөөр тооцоологдоно.
4.3 Suvd online апп – д үйлчлүүлэгч захиалга өгөх үед үйлчлүүлэгчээс төлж буй нийт дүнд дараах төлбөрүүд багтсан болно. Үүнд:
4.3.1 Хилийн чанадад худалдаалагдаж буй барааны үнэ
4.3.2 Тухайн улсын дотоодын барааны болон бусад татвар, хураамж
4.3.3 Тухайн улсын дотоодын хүргэлтийн үйлчилгээний төлбөр
4.3.4 Тухайн улсаас Монгол улс хүртэлх олон улсын тээврийн үйлчилгээний төлбөр
4.3.5 Дархан хот доторх дотоодын хүргэлтийн төлбөр
4.3.6 Захиалгын системийн үйлчилгээний хураамж
4.4 Нэмэгдсэн өртгийн албан татварын тухай хуулийн 13.1.24 – т заасны дагуу улс хоорондын шуудан илгээмж нь албан татвараас чөлөөлөгдөнө.
5.1 Үйлчлүүлэгч бараа бүтээгдэхүүн, үйлчилгээний мэдээлэлтэй сайтар танилцаж, захиалгыг давхар нягтлах үүрэгтэй бөгөөд захиалгын төлбөрийг төлсөн бол тус захиалгыг 5.3 – 5.6 нөхцөлөөс бусад тохиолдолд буцаах, цуцлах боломжгүй.
5.2 Үйлчлүүлэгч захиалга хийхдээ тус системд байгаа барааны дэлгэрэнгүй танилцуулга, мэдээллийг сайтар судлах зайлшгүй шаардлагатай. Үйлчүүлэгч тус барааны талаар сайтар мэдээлэл аваагүйгээс болж захиалга хүргэгдэн ирсний дараа захиалгыг буцаах хүсэлтийг Suvd online апп хүлээн авах, барааг буцаах боломжгүй.
5.3 Онлайн зээлээр худалдан авалт хийсэн үйлчлүүлэгч захиалгаа өөрийн хүсэлтээр цуцлах нөхцөлд зээлийг судалсан үйл ажиллагаанд зарцуулагдсан зээлийн үйлчилгээний шимтгэл болон бодогдсон зээл, хүүгийн төлбөрийг буцаан шилжүүлэх боломжгүй.
5.4 Тухайн захиалга хийсэн дэлгүүрт тухайн бараа үлдэгдэлгүй болох, үнэ өөрчлөгдсөнөөс хамаарч захиалга цуцлах зэрэг үйлчлүүлэгчээс үл шалтгаалж захиалга цуцлах тохиолдолд нийт төлбөрийг буцаан олгоно.
5.5 Буцаагдсан бараанд ноогдох тээвэрлэлт, үйлчилгээний хөлс, бусад зардал нь буцаан олгогдохгүй ба барааны үндсэн үнээс нийлүүлэгч талаас нэхэмжилж болох зардлыг хассан дүнгээр нийлүүлэгчээс барааны төлбөр бүрэн буцан шилжиж орсон тохиолдолд үйлчлүүлэгчид олгоно.
5.6 Үйлчлүүлэгч өөрийн хүсэлтээр захиалга цуцлах тохиолдолд Suvd online апп тухайн үйчлүүлэгчийн захиалга үүсгэхдээ ашигласан төлбөрийн хэрэгслийн шимтгэл болон вэбсайтын үйлчилгээний төлбөр зэргийг тооцоолол хийж, захиалгын нийт үнийн дүнгийн 3 – 10 хувийг суутгах эрхтэй ба хэрэглэгчийн захиалга аль шатнаас буцаалт хийгдэж байгаагаас шалтгаалж буцаалтын төлбөрийг ажлын 3 – 14 хоногт үйлчлүүлэгчийн дансанд шилжүүлнэ.
6.1 Тээвэрлэлт Өмнөд Солонгосоос Монгол хүртэлх тээвэрлэлт , дотоод дахь хүргэлт гэсэн 2 үндсэн үе шатаас бүрдэнэ.
6.2 Шуудангийн тухай хуулийн 24-р зүйлд зааснаар шуудан илгээмжээр тээвэрлэхийг хориглох зүйл:
6.2.1 24.1.1.галт зэвсэг, байлдааны галт хэрэгсэл, тэсэрч дэлбэрэх болон цацраг идэвхт бодис, түргэн шатамхай бодис, орчиндоо аюул учруулж болох бусад хэрэгсэл;
6.2.2 24.1.2.хортон ургамал, амьтан;
6.2.3 24.1.3.хар тамхи, мансууруулах буюу хордуулах бодис;
6.2.4 24.1.4.хуульд өөрөөр заагаагүй бол Монгол Улсын болон гадаад улсын мөнгөн тэмдэгт;
6.2.5 24.1.5.түргэн муудах хүнсний бүтээгдэхүүн;
6.2.6 24.1.6.садар самууныг сурталчилсан хэвлэл, ном зохиол, зураг, кино, дүрс бичлэг, бусад материал;
6.2.7 24.1.2.хортон ургамал, амьтан;
6.3 Монгол улс руу ачигдсанаас хойш газрын тээврээр дунджаар 10 – 21 хоногийн дотор Монгол улсын нийслэл Улаанбаатар хотод ирнэ. Улаанбаатар хотоос Дарханд 1 хоногт ирнэ.
6.4 Захиалгыг үйлчлүүлэгчид олгох үед үйлчлүүлэгч бараа бүтээгдэхүүнийг сайтар шалган, эвдрэл гэмтлийг нягтлан үзсэний дараа гарын үсэг зурж, хүлээн авна. Барааг үйлчлүүлэгч хүлээн авснаас хойш гарсан эвдрэл гэмтэл болон бусад асуудалд Suvd online апп хариуцлага хүлээхгүй. Үйлчлүүлэгчийн захиалсан бараа гэмтэлтэй ирсэн тохиолдолд Suvd online апп – ийн талаас тус барааг буцаан солиулах эсвэл төлбөрийг буцаан олгох журмын дагуу шийдвэрлэнэ.
6.5 500,000₮ – с доош үнийн дүн бүхий захиалгын хүргэлтийн төлбөр 8,888₮ байна. 500,000₮ – с дээш үнийн дүн бүхий захиалгын хүргэлтийн төлбөр 4,999₮ байна.
6.6 Захиалсан барааг үйлчлүүлэгчийн сонголтоор хүргүүлэн авах болон хэрэглэгч өөрийн биеэр оффис дээрээс ирж авах боломжтой. Үйчлүүлэгчийн худалдан авсан бараа бүтээгдэхүүнийг үйлчлүүлэгчийн ажлын байр эсвэл гэрийн хаягаар Улаанбаатар хот доторх хүргэлтийн бүсэд хүргэнэ. Орон нутгийн хүргэлтийн үйлчилгээ үзүүлэгч гуравдагч байгууллага эсвэл хувь хүнээр дамжуулан хүргүүлэх боломжтой ба холбогдон гарах зардлыг үйлчлүүлэгч хариуцна.
6.7 Үйлчлүүлэгчийн захиалгыг орон нутгийн хүргэлтийн үйлчилгээ үзүүлэгч байгууллага болон хувь хүнд хүлээлгэн өгөх хүртэл бараа бүтээгдэхүүний бүрэн бүтэн байдлыг Suvd online апп хариуцна.
6.8 Хамтран ажилладаг хүргэлтийн байгууллагад үйлчлүүлэгчийн барааг хүлээлгэж өгсөн өдрөөс хойш Улаанбаатар хотод 12 – 24 цагт, хөдөө, орон нутагт 24 – 72 цагийн дотор хүргэгдэнэ.
6.9 Гэнэтийн болон давагдашгүй хүчин зүйл, бүх нийтийн амралтын өдрүүд, эрх бүхий байгууллага, албан тушаалтны шийдвэрээр хил, гаалийн үйл ажиллагаа саатах, цаг агаарын байдал, хорио цээрийн дэглэм тогтоосон, гамшгийн нөхцөл байдал үүссэн болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар захиалгын хүргэлт саатах бүрд хэрэглэгчид нэн даруй мэдэгдэнэ. Эдгээр нөхцөл байдлууд арилж, захиалгыг хүргэх боломж бүрдэх хүртэл хүргэлтийн хугацаа хойшлогдоно.
7.1 Үйлчлүүлэгч Suvd online апп – аас санал болгож буй StorePay, Pocket, Pick n Pay, LendPay, Хаан банк зэрэг онлайн зээлийн үйлчилгээнд хамрагдан бараа бүтээгдэхүүн, үйлчилгээг зээлээр худалдан авах боломжтой.
7.2 Үйлчлүүлэгч Suvd online апп – ийн бүх бараа бүтээгдэхүүн, үйлчилгээнээс зээлээр худалдан авах боломжтой бөгөөд зээлээр авах хэсгийг сонгож өөрийн мэдээллээ үнэн зөв бөглөх үүрэгтэй.
7.3 Үйлчлүүлэгч зээлийн төлбөрөө гэрээнд заасан хуваарийн дагуу төлөх үүрэгтэй бөгөөд ийнхүү төлснөөр дараа дараагийн зээл авах эрх, боломж нэмэгдэх боломжтой.
7.4 Онлайн зээлийн үйлчилгээгээр худалдан авалт хийж буй тохиолдолд бараа үйлчлүүлэгчийн гарт хүргэх хүртэл хугацааны зээлийн хүүг хэрэглэгч бүрэн хүлээн зөвшөөрч төлөх үүргийг хүлээнэ.
8.1 Үйлчлүүлэгч Suvd online апп – ийн үйл ажиллагаанд холбогдуулж санал хүсэлт, гомдол гаргах эрхтэй бөгөөд санал хүсэлт, гомдлыг онлайн хэлбэрээр “Санал хүсэлт илгээх” форм бөглөж гаргана.
8.2 Үйлчлүүлэгч нэн тэргүүнд санал хүсэлт, гомдлыг 8.1 хэлбэрээр буюу Suvd online апп – тай шууд холбогдон гаргах бөгөөд Suvd online апп – ийн нэр хүнд болон үйл ажиллагаанд хүндэтгэлтэй хандаж Suvd online апп - ийн нэр хүндэд халдахуйц байдлаар олон нийтийн хэрэгслээр мэдээлэл түгээх зэргээр хориглосон аливаа үйлдлийг гаргахгүй байх үүрэгтэй.
8.3 Үйлчлүүлэгчийн гомдлыг хүлээн авч формд үлдээсэн утасны дугаар, цахим хаягаар холбогдож хэр хугацаанд хэрхэн шийдэх тухай мэдэгдэнэ. Suvd online апп нь үйлчлүүлэгчийн асуудлыг судлаад өгсөн хариу болон авсан арга хэмжээнд үйлчлүүлэгч сэтгэл хангалуун бус байгаа тохиолдолд "Монгол Улсын шүүхэд хандаж маргааныг шийдвэрлүүлэх" эрх нээлттэй.
9.1 Гэнэтийн давагдашгүй хүчин зүйлсийн улмаас талуудын энэхүү үйлчилгээний нөхцөлд заасан үүргээ биелүүлээгүй буюу зохих ёсоор биелүүлээгүй бол нөгөө талдаа ажлын гурав хоногийн дотор онлайн шуудангаар дамжуулан мэдэгдэх ба энэ тохиолдолд үүрэг гүйцэтгэх хугацаа нь энэхүү нөхцөл байдал үргэлжлэх хугацаагаар хойшлогдоно.
9.2 Гэнэтийн давагдашгүй хүчин зүйлс бий болсон нь нэг сараас дээш хугацаагаар үргэлжилсэн тохиолдолд талууд асуудлыг харилцан зөвшилцөх замаар шийдвэрлэнэ.
9.3 Гэнэтийн давагдашгүй хүчин зүйлс гэдэгт талуудын хараа хяналтаас гадуур болсон, урьдчилан таамаглах боломжгүй, урьдчилан сэргийлж, шинжлэх ухаан, техникийн ололтыг ашиглан даван гарах боломжгүй дараах саад тотгор тохиолдсоны улмаас талууд энэхүү Үйлчилгээний нөхцөлд заасан үүргээ биелүүлж чадахгүйд хүрэхийг ойлгоно. Үүнд: Зарласан болон зарлаагүй дайн, зэвсэгт мөргөлдөөн, бослого, гадаадын түрэмгийлэл, хорлон сүйтгэх ажиллагаа, хувьсгал; Байгалийн бүх төрлийн гамшиг(гал түймэр, газар хөдлөлт, хүчтэй хар салхи, шуурга, аянга цахилгаан, үер усны гэх мэт), Төрийн албан тушаалтны хуулийн дагуух болон хууль бус үйлдэл, эс үйлдэл, эрх зүйн акт, тушаал, захирамж; Тэсрэлт, дэлбэрэлт, машин үйлдвэрлэлийн тоног төхөөрөмжийн эвдрэл, цахилгааны ноцтой гэмтэл; бүх төрлийн хязгаар хориг, өвчин тахал, хорио цээр, хариуцлагаас чөлөөлөгдөх хүсэлтэй талын аж ахуй нэгжид тохиолдсон ажил зогсолт, ажил хаялт; Програм хангамж, техник тоног төхөөрөмжийн эвдрэл гэмтэл, хакер халдлага зэрэг, үүнээс бусад талуудын хүсэл зоригоос үл хамаарах шалтгаануудыг ойлгоно.
10.1 Үйлчлүүлэгч гаалийн татварын чөлөөлөлтөнд хамрагдах тул дараах үүргийг хүлээнэ:
10.1.1 Нэг ижил төрлийн бараанаас 2 – оос илүүгүй тоогоор захиалах
10.1.2 Үйлчлүүлэгчийн нийт төлсөн төлбөр 6,600,000 төгрөгөөс их /зөөврийн компьютерын хувьд 19,800,000 төгрөгөөс их/ байх, нэг ижил төрлийн бараанаас 2 – с дээш тоогоор захиалах үед гаалийн татвар ногдуулах тул энэ тохиолдолд үйлчлүүлэгч гаалийн баталгаат агуулахаас өөрийн биеэр очин бараагаа авах ба Suvd online апп талаас гаалийн бүрдүүлэлтэд шаардагдах материалуудаар хангах үүрэгтэй.
10.1.3 Мөн зарим тохиолдолд Улс хоорондын шуудан илгээмжийн гаалийн газраас гаалийн татвар ногдуулах зорилгогүйгээр улс хоорондын шуудан илгээмжүүдээс санамсаргүй байдлаар сонгон хяналт, шалгалт явуулдаг. Энэ тохиолдолд үйлчлүүлэгч гаалийн баталгаат агуулахаас өөрийн биеэр очин бараагаа авах ба Suvd online апп – ийн талаас гаалийн бүрдүүлэлтэд шаардагдах материалуудаар хангах үүрэгтэй.
10.1.4 Ачаа барааг гаалийн баталгаат агуулахад хадгалагдаж байх хугацаанд хуримтлагдсан хадгалалтын төлбөрийг үйлчлүүлэгч төлөх үүрэгтэй.
11.1 Suvd online апп нь үйлчилгээний нөхцөлд өөрчлөлт оруулах эрхтэй бөгөөд хэрэв өөрчлөлт оруулсан тохиолдолд тухай Suvd online апп – д нийтэд нээлттэй нийтлэх бөгөөд Үйлчлүүлэгч танилцах үүрэг хүлээнэ.
11.2 Онлайн барааны тэмдэгтүүд нь Suvd online апп – ийн өмч бөгөөд бараа бүтээгдэхүүний барааны тэмдгүүд нь брэндүүдийн өмч болно. Энэхүү аппликэйшн – ийн лого, нэр, бүтэц, загвар, контентыг хуулах, олшруулах, дуурайх, бусад хэлбэрээр ашиглах болон бусад этгээдийн зүгээс ашиг олох зорилгоор ашиглахыг хориглоно.
11.3 Suvd online апп – ийн оюуны өмчийн эрх зөрчигдсөн тохиолдолд холбогдох этгээдэд Оюуны өмчийн тухай хууль, Зөрчлийн тухай хууль, Эрүүгийн тухай хуульд заасан хариуцлага хүлээлгэнэ.
11.4 Suvd online нь үйлчилгээний шинэчлэл хийх тохиолдолд урьдчилан мэдэгдэлгүйгээр Suvd online апп – ийн үйлчилгээний нөхцөлийг хэсэгчилж эсвэл бүхэлд нь өөрчлөх, түр хугацаагаар эсвэл бүр мөсөн зогсоож болно.
11.5 Suvd online нь гэрээний нөхцөлийг дангаар өөрчлөх, сайжруулах эрхтэй. Үйлчилгээний нөхцөлд өөрчлөлт хийсэн даруйд шинэчилсэн нөхцөлийг Suvd online апп дээр байршуулна. Шинэчилсэн нөхцөл хүчин төгөлдөр болсон өдрөөс хойш Suvd online апп – ийг ашигласнаар шинэ нөхцөлийг хүлээн зөвшөөрсөнд тооцогдоно.