Энэхүү Нууцлалын бодлого нь Монгол Улсын Хүний хувийн мэдээлэл хамгаалах тухай хуульд үндэслэн Хэрэглэгчийн хувийн мэдээллийг цуглуулах, боловсруулах, ашиглах, аюулгүй байдлыг хангахтай холбоотой харилцааг зохицуулна.
Альфа Лабс ХХК (Мэдээлэл хариуцагч) нь Үйлчүүлэгчийг Suvd online апп онлайн худалдааны системд бүртгүүлж, ашиглах үед Хүний хувийн мэдээлэл хамгаалах тухай хуульд заасан нөхцөл, журмын дагуу Таны хувийн мэдээллийг цуглуулж, боловсруулж, ашиглах бөгөөд мэдээллийн аюулгүй байдлыг хангана. Үйлчлүүлэгч Suvd online апп – д бүртгүүлэхээс өмнө энэхүү “Нууцлалын бодлого” – той бүрэн танилцах үүрэгтэй. Үйлчлүүлэгч “Нууцлалын бодлого” – д заасан нөхцлүүдийг бүрэн хүлээн зөвшөөрч, “Би хүлээн зөвшөөрч байна.” гэсэн товчийг идэвхжүүлснээр Suvd online апп – ийг ашиглах явцад өөрийн хувийн мэдээллийг цуглуулж, боловсруулж, ашиглах цахим зөвшөөрлийг Мэдээлэл хариуцагчид олгосонд тооцно. Хэрэв Үйлчлүүлэгч “Нууцлалын бодлого” – д заасан нөхцөлүүдийг хүлээн зөвшөөрөхөөс татгалзсан тохиолдолд “Би татгалзаж байна” гэсэн товчийг идэвхжүүлэх боломжтой. Энэ тохиолдолд Мэдээлэл хариуцагч үйлчлүүлэгчийн мэдээллийг цуглуулахгүй, боловсруулахгүй, ашиглахгүй тул Suvd online апп – ийг зориулалтын дагуу бүрэн ашиглах боломжгүй болохыг анхаарна уу. Энэхүү Нууцлалын бодлогоор зохицуулаагүй харилцааг Монгол Улсын Хүний хувийн мэдээлэл хамгаалах тухай хуулиар зохицуулна.
1.1 Suvd online апп худалдааны систем нь дараах тохиолдлуудад иргэн, хуулийн этгээдийг /цаашид “Үйлчлүүлэгч” гэх/ мэдээллийг цуглуулна. Үүнд:
1.1.1 Мэдээлэл хариуцагч Үйлчлүүлэгчээс олгосон онлайн зөвшөөрлийг үндэслэн мэдээллийг цуглуулж, боловсруулж, ашиглана.
1.1.2 Suvd online апп – ийн тасралтгүй, найдвартай, хэвийн ажиллагааг хангах, системийг хөгжүүлэх, Үйлчлүүлэгчийн хүсэл, сонирхолд нийцсэн, хялбар, энгийн шийдэл бүхий үйлчилгээг санал болгох зорилгоор Үйлчлүүлэгчийн хувийн мэдээллийг цуглуулж, боловсруулж, ашиглана. Мэдээлэл хариуцагч энд зааснаас өөр зорилгоор мэдээллийг цуглуулахгүй, ашиглахгүй, дамжуулахгүй.
1.1.3 Энэхүү “Нууцлалын бодлого”-д заасан дараах нэр томьёог дор дурдсан утгаар ойлгоно. Үүнд:
1.1.3.1 “Мэдээлэл цуглуулах” гэж мэдээллийг олж авах, бүрдүүлэх, бүртгэх үйл ажиллагааг.
1.1.3.2 “Мэдээлэл боловсруулах” гэж мэдээллийг ангилах, хадгалах, дүн шинжилгээ хийх, Хэрэглэгчийн хүсэлтээр өөрчлөх, устгах, сэргээх үйл ажиллагааг.
1.1.4 “Мэдээлэл ашиглах” гэж үйл ажиллагаандаа хэрэглэх, дамжуулах болон мэдээлэлтэй танилцах үйл ажиллагааг.
1.1.5 Мэдээлэл хариуцагч Үйлчлүүлэгчийн мэдээллийг цуглуулж, боловсруулах, ашиглах ажиллагаанд Таны мэдээллийн үнэн зөв, бүрэн бүтэн байдлыг алдагдуулахгүй байх, мэдээллийн аюулгүй байдлыг хангах зарчмуудыг баримтална.
1.1.6 Үйлчлүүлэгч өөрт хамааралтай мэдээллийн үнэн зөв байдлыг хариуцах бөгөөд мэдээллийн дутуу эсхүл зөрүүтэй оруулснаас үүдэх эрх зүйн үр дагаврыг бие даан өөрөө хариуцна.
2.1 Мэдээлэл хариуцагч Монгол Улсын Компанийн тухай хуулийн дагуу үүсгэн байгуулагдсан Альфа Лабс ХХК байна.
2.2 Хэрэглэгч энэхүү Нууцлалын бодлогын нөхцөл, хэрэгжилттэй холбоотой асуудлаар info@suvd-online.mn цахим шуудангаар, санал, хүсэлт, гомдол шийдвэрлүүлнэ.
3.1 Мэдээлэл хариуцагч Suvd online апп – ийн тасралтгүй, найдвартай, хэвийн ажиллагааг хангах, Үйлчлүүлэгчид бүрэн ашиглах боломжийг олгох хүрээнд дараах мэдээллийг цуглуулж, боловсруулж, ашиглана. Үүнд:
3.1.1 Үйлчлүүлэгчийн овог, нэр, иргэний бүртгэлийн дугаар, төрсөн огноо, нас, хүйс оршин суугаа хаяг, шуудангийн хаяг, цахим гарын үсэг, захиалгын мэдээлэл, захиалгын үйл явц, банкны дансны дугаар, кредит болон дебит картын дугаар, захиалгын баталгаажилт, холбоо барих утасны дугаар, захиалгын болон гүйлгээний түүх бүхий мэдээллүүд.
3.1.2 Үйлчлүүлэгчийн зээлийн мэдээлэл, зээл эргэн төлөлт, түүхийн мэдээллүүд.
3.1.3 Suvd online апп – д хийгдсэн гүйлгээнд хамаарах хүлээн авагчийн нэр, мөнгөн дүн, шилжүүлгийн огноо, гүйлгээний баталгаажилтад хамаарах мэдээллүүд.
3.1.4 Suvd online апп – ийг хэрэглэх явц үүсэж буй бүртгэлийн, хэтэвчний мэдээлэл, таалагдсан барааны болон бусад цахим өгөгдлүүд.
3.1.5 Үйлчлүүлэгчийн хүсэлт, санал, гомдол, түүнийг шийдвэрлэх явц, үр дүнгийн талаарх мэдээллүүд.
3.2 Мэдээлэл хариуцагч Suvd online апп – ийн програм хангамжийг хөгжүүлэх, мэдээлэл технологийн шинэ шийдэлд тулгуурласан энгийн, хялбар, хэрэглээг бий болгох, хууль бус хандалтаас урьдчилан сэргийлэх хүрээнд дараах мэдээллийг цуглуулна. Үүнд:
3.2.1 Ашиглаж буй үйлдлийн систем, Suvd online апп – ийн бүртгэлийн хаягт нэвтэрсэн хугацаа, газар зүйн байршлын мэдээллүүд.
3.2.2 Үйлчлүүлэгчийн цахим гарын үсэг, цахим тодорхойлогчийн мэдээллүүд.
3.2.3 Cookies файлын тусламжтайгаар автоматаар цуглуулж буй мэдээллүүд болох цахим орчинд хандсан эх сурвалжуудын мөрнүүд.
4.1 Мэдээлэл хариуцагч Үйлчлүүлэгчийн мэдээллийг дараах тохиолдолд боловсруулж, ашиглана. Мэдээлэл хариуцагч дор дурдсан нөхцөлөөс бусад хэлбэрээр Үйлчлүүлэгчийн мэдээллийг боловсруулж, ашиглахгүй болно Үүнд:
4.1.1 Захиалгатай бараа бүтээгдэхүүнийг хүргэх, захиалгатай холбоотой тодруулах зүйл гарсан тохиолдолд
4.1.2 Таны гар утсанд холбогдох цахим шууданд мэдэгдэл, мэдээлэл илгээх
4.1.3 Үйлчлүүлэгчийн бүртгүүлсэн хаягаар хүргэлтийн үйл ажиллагаанд ашиглах
4.1.4 Үйлчлүүлэгчийн танин, баталгаажуулах үед
4.1.5 Үйлчлүүлэгчээс ирүүлсэн гомдлыг хянан шалгах явцад
4.1.6 Suvd online апп – ийн мэдээллийн аюулгүй байдлыг хяналтыг сайжруулах, түүнд холбогдох тест хийх
4.1.7 Suvd online апп – д программ хангамжийн хөгжүүлэлт хийж, түүнийг тестлэх ажиллагаанд
4.1.8 Suvd online апп – д нэвтрүүлж байгаа шинэ бүтээгдэхүүн, болон модуль хөгжүүлэлтэд тест хийх
4.1.9 Техникийн засвар хийх үед
4.1.10 Suvd online апп үйлчлүүлэгчийн судалгаа ба хяналтад зориулж нийт үйлчлүүлэгч, захиалга гэх мэт
4.1.11 Үйлчлүүлэгчид шинэ бараа бүтээгдэхүүн, үйлчилгээ, хямдралын мэдээллийг хүргэх зориулалтаар
4.1.12 Үйлчлүүлэгчид “Албан ёсны борлуулагч” нарын санал болгож буй шинэ бүтээгдэхүүн, үйлчилгээний хямдралын мэдээллийг хүргэхэд
4.2 Мэдээлэл хариуцагч Үйлчлүүлэгчийг Suvd online апп – д бүртгүүлснээс эхлээд бүртгэлийг хаах хүртэлх хугацаанд мэдээллийг боловсруулж, ашиглах
4.3 Мэдээлэл хариуцагч Үйлчлүүлэгчийн хувийн халдашгүй байдлыг хүндэтгэн дээдлэх бөгөөд Suvd online апп - ийн бүртгэлийн мэдээллийг Монгол Улсын Засгийн газраас баталсан кибер аюулгүй байдлын журамд заасан хугацаагаар хадгалах
4.4 Мэдээлэл хариуцагч Үйлчлүүлэгчийн системд оруулсан мэдээллийг Amazon EC2 дэх өөрийн серверт хадгална. Үйлчлүүлэгч системд нэвтрэх нэр, нууц үгийг бусдад задруулахгүй байх үүрэгтэй.
4.5 Нэвтрэх эрхээ бусдад алдсанаас үүдэлтэй Үйлчлүүлэгчийн хуудаст үүссэн аливаа хор, хохирлыг Мэдээлэл хариуцагч хариуцахгүй болно. Мэдээлэл хариуцагч Үйлчлүүлэгчийн хандах эрхийг ашиглан мэдээлэлд нэвтрэх боломжгүй болохыг анхааруулж байна.
4.6 Бид өөрсдийн үйлчилгээг сайжруулах зорилгоор Suvd online апп – ийн лавлах утсанд холбогдсон дуудлагын аудио бичлэгийг хуульд заасан хугацаагаар хадгална.
5.1 Монгол улсын хуульд заасан тохиолдолд төрийн эрх бүхий байгууллагын шаардлагаар Үйлчлүүлэгчийн мэдээллийг нийтэд ил болгоно.
5.2 Мэдээлэл хариуцагч Нууцлалын бодлогын 5.1-д зааснаас бусад тохиолдолд Үйлчлүүлэгчийн хувийн мэдээллийг нийтэд ил болгохгүй.
6.1 Үйлчлүүлэгчийн хүсэлтээр зээлээр эсхүл дараа хуваан төлөх нөхцөлтэйгөөр бүтээгдэхүүн, үйлчилгээг худалдан авах тохиолдолд Зээлдүүлэгчийн шаардсан Хэрэглэгчийн зээлийн судлахад хамаарах мэдээллийг дамжуулна. Үйлчлүүлэгч Та энэхүү Нууцлалын бодлогын зөвшөөрсөн тохиолдолд Зээлдүүлэгчид дээрх мэдээллийг дамжуулах зөвшөөрлийг Мэдээлэл хариуцагчид олгосонд тооцно.
6.2 Албан ёсны борлуулагчийн хүсэлтээр зөвхөн түүний худалдсан бүтээгдэхүүн, үйлчилгээтэй холбоотой Үйлчлүүлэгчийн мэдээлэлтэй танилцана.
6.3 Мэдээлэл хариуцагч Үйлчлүүлэгчийн хувийн мэдээллийг гуравдагч этгээд ашиг олох зорилгоор дамжуулахгүй, түгээхгүй, худалдахгүй бөгөөд үйлчилгээний хэрэгцээнээс гадуур аливаа ашиг олох зорилгоор ашиглахгүй болно.
6.4 Мэдээлэл хариуцагчаас томилсон эрх бүхий албан тушаалтан Үйлчлүүлэгчийн хувийн мэдээлэлд хандах эрхтэй. Эрх бүхий албан тушаалтан Таны хувийн мэдээллийг гуравдагч этгээдэд задруулах эсхүл өөрийн хувийн сонирхолд нийцүүлэн нээлттэй бус мэдээллийг задруулахыг хатуу хориглоно. Хориглосон зохицуулалтыг зөрчсөн эрх бүхий албан тушаалтан хууль зүйн хариуцлага хүлээнэ.
7.1 Хэрэглэгч Suvd online апп дахь мэдээлэл болон өөрийн дансныхаа тохиргоог хэдийд ч өөрчлөх эрхтэй.
7.2 Үйлчлүүлэгч хувийн халдашгүй байх эрхээ хэрэгжүүлэх хүрээнд Мэдээлэл хариуцагчид олгосон цахим зөвшөөрлөө хэдийд ч цуцлах эрхтэй. Цахим зөвшөөрлийг цуцлах хүсэлтийг info@suvd-online.mn хаягаар илгээж, шийдвэрлүүлнэ.
7.3 Үйлчлүүлэгч цахим зөвшөөрөл цуцлах хүсэлт гаргасан тохиолдолд Үйлчлүүлэгчийн Suvd online апп – д бүртгэлтэй хаягийг хааж, дахин Таны мэдээллийг цуглуулахгүй, боловсруулахгүй, ашиглахгүй.
7.4 Үйлчлүүлэгчийн гаргасан цахим зөвшөөрлийг цуцлах хүсэлтийг ажлын 3-5 хоногийн дотор судалж, Suvd online апп – ээс бүртгэл, мэдээллийг устгаад хариу мэдэгдэх болно.
7.5 Үйлчлүүлэгчийн хүсэлтээр түүний мэдээлэлд өөрчлөлт оруулах, засах арга хэмжээг зохион байгуулна.
7.6 Кибер халдлага, эрх бүхий албан тушаалтны алдаатай үйл ажиллагаа, эсхүл программ хангамж болон мэдээллийн санд гэмтэл гарсны улмаас Үйлчлүүлэгчийн хувийн мэдээлэл алдагдсан тохиолдолд Мэдээлэл хариуцагчаас таны бүртгүүлсэн и-мэйл хаяг, гар утасны дугаарт нэн даруй мэдэгдэл хүргүүлнэ. Та мэдэгдэлд заасан арга хэмжээг заавар, анхааруулгыг дагуу авах үүрэгтэй.
8.1 Мэдээлэл хариуцагч Нууцлалын бодлогод нэмэлт, өөрчлөлт оруулах эрхтэй. Нууцлалын бодлогод өөрчлөлт оруулсан тохиолдолд тухай бүр Suvd online апп – д нийтэд нээлттэй нийтлэх бөгөөд Үйлчлүүлэгч танилцах үүрэг хүлээнэ.
8.2 Үйлчлүүлэгч захиалга хийх үед хүчинтэй байсан “Нууцлалын бодлого” захиалгыг хүргэх шатанд өөрчлөгдсөн тохиолдолд өмнөх “Нууцлалын бодлого” – г бараа бүтээгдэхүүнийг хүлээж авах хүртэлх хугацаанд хүчинтэйд тооцно.